बुटवल । भदौ १४ गतेदेखि एमसीसी लागु गर्ने प्रपञ्च भइरहेको बेला विप्लव नेतृत्वको नेकपाले एमसीसी विरुद्ध संघर्षमा जाने निर्णय गरेको छ । आज अपरान्ह ४ बजे काठमाडौँको बुद्धनगरस्थित सम्पर्क कार्यालयमा भएको स्थायी समितिको बैठकले एमसीसीको विरुद्ध प्रतिरोध संघर्षमा जाने निर्णय गरेको हो ।

भोलि बिहान बस्ने समाजवादी मोर्चाको बैठक र सरकारको औपचारिक धारणाको माग गरेर भोलि नै संघर्षको कार्यक्रम घोषणा हुने जानकारी नेकपा स्थायी समिति सदस्य तथा प्रचार विभागका इन्चार्ज अनिल विरही सीले बताएका छन् ।