बुटवल । पत्रकार नेत्र पन्थीद्धारा लिखित किताब लेफ्ट राइटमाथि परिचर्चा भएको छ । शनिबार बुटवलमा पाठक मञ्चद्धारा आयोजित कार्यक्रममा पन्थीको किताबमाथि रामचन्द्र श्रेष्ठ, डीआर घिमिरे र शंकर गाहा मगरले टिप्पणी गरेका थिए ।
टिप्पणीकर्ताले कितावमाथि चर्चा गर्दै प्रचण्डको नयाँ उत्तराधिकारी जरुरी नभएको बताए । उनीहरुले किताबमा प्रचण्डलाई केन्द्रविन्दुमा राखिएको बताउदै उनको अस्थिरतालाई लेफ्ट राइटको रुपमा प्रस्तुत गरिएको बताए । उनीहरुले किताबमा प्रचण्ड यात्राको शृंखलामा सिलसिलबद्ध राखिएको बताउदै भूराजनीतिकलाई देखाइएपनि अर्थराजनीतिक पक्ष छुटेको बताए ।
परिचर्चा कार्यक्रममा विभिन्न व्यक्तिहरुले जिज्ञासा समेत राखेका थिए ।
कार्यक्रमको संचालन माधवकुमार पौडेलले गरेका थिए । पाठक मञ्चले विभिन्न कार्यक्रमहरु नियमित राख्दै आएको छ । पन्थीको किताप सांग्रिला बुक्सले प्रकाशित गरेको हो । किताबको मूल्य ११ सय रहेको छ ।
