बुटवल । तत्कालीन जनयुद्धको समयमा राज्यद्वारा राजनीतिक आस्थाका आधारमा बेपत्ता पारिएका योद्दाहरुको स्मृति दिवसको सन्दर्भमा जेठ ७ गते अर्थात भोलि अन्तरक्रिया हुने भएको छ।बेपत्ता योद्दाहरुको सपना सार्वजनिकनिकरण र शान्ति प्रक्रिया बिषयक अन्तर्कृया भोलि दिउँसो ११ बजे काठमाडौको जमलस्थित रास्ट्रीय नाचघरमा हुन लागेको हो।

वेपत्ता योद्दा परिवार समाजद्वारा आयोजित अन्तर्कियामा प्रधानमन्त्री पुष्पकमल दाहाल – प्रचण्ड – नेपाल कम्युनिस्ट पार्टीका महासचिव विप्लव , क्रान्तिकारी कम्युनिस्ट पार्टीका महासचिव मोहन वैध किरण, पुर्व प्रधानमन्त्री डा।बाबुराम भट्टराई , एमाले नेता प्रदीप ज्ञवाली, काङ्ग्रेस नेता रमेश लेखक लगाएतका बक्ताहरुले सम्बोधन गर्ने बेपत्ता योद्दा परिवार समाजकी केन्द्रिय सदस्य आस्था सी ले जनपत्रीका डटकमलाई जानकारी दिएकी छन्।

सामन्तवाद र साम्राज्यवाद सङ्गको नेपाली जनता र देशको अन्तरबिरोधलाई हल गर्दै जनवाद ,समाजवाद तथा साम्यवाद स्थापनाका लागि शुरु गरिएको जनयुद्धको क्रममा २०५६ साल जेष्ठ ७ गते काठमाडौको संकटाबाट माओवादी नेता दण्डपाणी न्यौपाने , पत्रकार मिलन नेपाली , नविन गौतम र कमला शर्मालाई राज्यले बेपत्ता पारेको दिनको सन्दर्भमा बिगत १४ बर्षदेखि विभिन्न कार्यक्रम गरि बेपत्ता योद्दा स्मृति दिवस मनाउने गरिएको छ।

झण्डै १ हजार ९६ जना योद्दाहरु जनयुद्धको क्रममा बेपत्ता पारिएको र उनिहरुको स्थिति सार्वजनिकरण अझै हुन नसकेको बेला बेपत्ता योद्दाहरुको स्थिति सार्वजनिकरण हुनुपर्ने र उनिहरुको योगदानलाई राज्यले स्वामित्व लिएर संस्थागत गरिनुपर्ने माग राख्दै बेपत्ता योद्दाहरुका परिवारहरु आन्दोलन गरिरहेका छन भने अर्कोतिर तत्कालीन जनयुद्धको एउटा हिस्सा बारम्बार सरकारमा पुगेपनि  समस्याको समाधान अझै हुन सकेको छैन।