२२ माघ,काठमाडौ । नेपाल कम्युनिस्ट पार्टीका महासचिव विप्लव र प्रधानमन्त्री पुष्पकमल दाहाल प्रचण्ड वीच आज भेटबार्ता भएको छ।प्रधानमन्त्री निवास बालुवाटारमा आज बेलुका ७स्३० बजे भेटबार्ता भएको हो।
भेटबार्ताका क्रममा देशको पछिल्लो संकटपुर्ण राजनीतिक परिस्थिति , नेपालको कम्युनिस्ट आन्दोलनको धुर्विकरणको आबश्यकता र सरकार नेकपा वीच भएको तीन बुदे सहमति अनुसार बन्दीहरुको रिहाई र मुद्दाहरू फिर्ता गर्नेबारे कुराकानी भएको बताइएको छ।
सरकारका तर्फबाट प्रधानमन्त्री प्रचण्डले राजनीतिक बन्दीहरुको रिहाई र मुद्दा खारेज गर्ने राजनीतिक र कानुनी प्रक्रिया अगाडि बढाउन सरकार सकारात्मक रहेको र छिट्टै पहल गर्ने बताएका छ्न।
आइतबार भएको भेटवार्तामा नेपाल कम्युनिस्ट पार्टीका स्थायी कमिटी सदस्य एबम प्रवक्ता प्रकाण्ड र नेकपा माओवादी केन्द्रका उपाध्यक्ष कृष्ण बहादुर महरा समेत सहभागी थिए।
