कास्की । नेपाल कम्युनिस्ट पार्टी कास्कीको चौथो पुर्ण बैठक पार्टी केन्द्रीय प्रतिनिधि सदस्य तथा जिल्ला सेक्रेटरी कमरेड काजी सी को अध्यक्षतामा, पार्टीको राजनीतिक समिति सदस्य तथा पश्चिम गण्डक इन्चार्ज कमरेड राजन सी को प्रमुख आतिथ्यतामा र पार्टी केन्द्रीय सदस्य तथा जिल्ला इन्चार्ज कमरेड उभार सी को विशेष उपस्तिथिमा सम्पन्न भएको छ ।
बैठकमा जिल्लाका सचिवालय सदस्य र जिल्ला सदस्यहरुले आ- आफ्नो कर्यक्षेत्रको रिपोर्ट र आवधिक योजनाको समिक्षा गर्नुका साथै पार्टीलाई सुझाव दिएका थिए । बैठकले साङ्गाठनिक, आर्थिक, विभागहरु र समाजवादी जनसत्ताबारे महत्त्वपूर्ण निर्णयहरु गरेको छ ।भने जिल्ला पार्टीको आयव्याय पनि पारित गरेको छ ।
बैठकमा आफ्नो विषय राख्दै प्रमुख अतिथि राजन सी ले अब पार्टी समाजवादी सत्ता स्थापना गर्दै आवधिक योजना सहित हस्तक्षेपकारी भुमिकामा जाने बताए भने जिल्ला इन्चार्ज उभार सी ले पार्टी विभाजनको भ्रम कास्कीबाट सिद्दिएको बताए । बैठकमा विधार्थी नेता प्रकाश सी, मजदुर नेता शिव सी र रास्ट्रीय वामपन्थी मञ्चका केन्द्रीय सदस्य पुस्प सी को समेत विशेष उपस्थिति रहेको थियोे ।
