कास्की । तीन बुँदे राजनीतिक सहमति कार्यान्वयन गर्न ल्याइएको अध्यादेश रोक्ने षड्यन्त्र भएको भन्दै नेपाल कम्युनिस्ट पार्टी कास्कीले पोखरामा मशाल जुलुस सम्पन्न गरेको छ । औद्योगिक क्षेत्रबाट सुरु भएको मशाल जुलुस अमरसिंह चोकमा पुगेर कोणसभामा परिणत भएको थियो ।
विभिन्न नारा सहित अगाडि बढेको जुलुसको नेतृत्व केन्द्रीय प्रतिनिधि सदस्य तथा जिल्ला सेक्रेटरी काजी सी ले गरेका थिए । जुलुस निकाल्ने क्रममा प्रदर्शनकारी र प्रहरी बीच केही समय तनाब सृजना भएको थियो ।
कोणसभाको सञ्चालन अखिल (क्रान्तिकारी ) क्याम्पस जिल्ला संयोजक सचिन सी ले गरेका थिए भने कार्यक्रमलाई सम्बोधन जिल्ला नेता परिवर्तन सी ले गरेका थिए । कार्यक्रममा ठूलो मात्रामा युवाहरूको उपस्थिति रहेको थियो ।
