गुल्मी । नेकपा गुल्मीले ३ बुँदे सहमति कार्यान्वयनका लागि रास्ट्रपतिले तत्काल अध्यादेश स्वीकृत गर्नुपर्ने माग गर्दै मसाल जुलुस गरेको छ । पार्टीको केन्द्रीय कार्यक्रम अन्तर्गत जिल्लामा मसाल जुलुस गरेको हो । नेकपा गुल्मीले आस्थाका सम्पूर्ण राजबन्दी रिहाई र झुठा मुद्दा खारेज गर्न माग गरेको छ ।
जिल्लाको धुर्कोट गाउँपालिकाको जैसीथोकस्थित बर्बोट बजार र पिपलधारामस गरिएको मसाल जुलुसमा जिल्ला जनसरकार प्रमुख भीसणले तत्काल अध्यादेश स्वीकृत गरेर आस्थाका सम्पूर्ण राजबन्दीहरूलाई रिहा गर्न माग गर्नुभयो ।
अखिल नेपाल किसान संघ क्रान्तिकारी केन्द्रीय सदस्य बिनोद पोखरेलले रास्ट्रपतिले अध्यादेश स्वीकृत नगर्नुमा साम्राज्यवादको षड्यन्त्र भएको बताउदै यसले गम्भीर अवस्था सिर्जना हुने बताउनुभयो । मसाल जुलुसमा नेकपाका नेताकार्यकर्ता त स्थानीय जनताको सहभागिता रहेकोे थियो ।
