बुटवल । नेपाल कम्युनिस्ट पार्टी रुपन्देहीले नेपाल सरकार र नेपाल कम्युनिस्ट पार्टीबीच भएको तीन बुँदे सहमति कार्यनयनको पुर्व घोषित देशव्यापी कार्यक्रम अन्तरगर्त रुपन्देहीको बेलबासमा मसाल जुलुस तथा कोणसभा सम्पन्न गरेको छ ।
मसाल जुलुस पछिको कोण सभालाई सम्बोधन गर्दै नेकपाका केन्द्रिय प्रतिनिधि सदस्य तथा रुपन्देही १ नम्बर कमाण्ड ईन्चार्ज बिरेन्द्र बि कले स्वाधनिताको पक्षमा लड्ने जनताको पक्षमा लड्ने कार्यकर्तालाई कष्टडीमा धुनेर हत्कडीले यीनिहरुको बिचार मर्छ भन्ने कुचेष्टा नगर्न चेतावनी दिए ।
उनले तीन बुँदे सहमति हारेर,नसकेर नभइ नेपाली जनताको अगाडी नेकपाका माग र कार्यक्रम लिएर जानुपर्छ भन्ने उद्देश्यले सहमति गरेको बताउँदै सरकारले नेकपाबीच भएको सहमति इमान्दारीपुर्वक लागु गर्न अपिल गरे । उनले देश र जनताका लागि लाखौं बलिदान गर्ने योद्धाहरुका लागि भएकोे अध्यादेश राष्ट्रपति कार्यालयबाट रोक्न भएको कुचष्टाप्रति घोर आपत्ति भएको भन्दै भोली १ घण्टे चक्का जाम कार्यक्रममा सहयोग गर्न अपिल समेत गरे ।
