बुटवल । अविरल वर्षाका कारण पहिरो खस्दा पाल्पा–गुल्मी सडक बिहीबार बिहानदेखि सडक अवरुद्ध भएको छ।
पाल्पा-गुल्मी सडकअन्तर्गत रिब्दीकोट गाउँपालिका-२ जोर्तेमा ठूलो पहिरो खसेको जिल्ला ट्राफिक प्रहरी कार्यालय पाल्पाले जनाएको छ।
जोर्ते बजार माथि सडक चौडा गरेको स्थानमा ठूलो पहिरो गएको स्थानियले बताएका छ्न्।
सडक डिभिजनको स्काभेटरले अहिले पहिरो पन्छाउने काम भइरहेको प्रहरीले जनाएको छ। प्रहरीका अनुसार दिउँसोसम्ममा बाटो खुल्ने सम्भावना छ।
सडक अवरुद्ध हुँदा बुटवलततर्फबाट गुल्मी, बाग्लुङ, अर्घाखाँची जाने सवारी साधन र त्यसतर्फबाट बुटवल, पाल्पा आउने सवारीसाधन बाटोमै रोकिएका छन्।
