बागलुङ । नेत्र विक्रम चन्द (विप्लव) नेतृत्वको नेकपाका जिल्ला सेक्रेटरी अाकाशसहित १२ भन्दा बढी नेता कार्यकर्ता पक्राउ परेका छन् ।
मंगलबार बिहान बाग्लुङ बजार बन्द गराउँदै हिँडेका जिल्ला सेक्रेटरी आकाश सचिवालय सदस्य क्रान्ति, मगर मुक्ती मोर्चाका केन्द्रिय सदस्य नन्दराम सहितका टोलिलाई पक्राउ गरिएको हो ।
नेकपाका बाग्लुङ इन्चार्ज विप्लबले उनीहरूलाई बिनाकारण पक्राउ गरिएको बताएका छन् । बन्दको पूर्वघोषित कार्यक्रम रहेको भन्दै उनले गिरफ्तार गरिएका सबैको तत्काल रिहाइ गरिनुपर्ने बताए ।
सरकारसँग भएको ३ बुँदे सम्झौताअनुसार आफ्नो पार्टीका नेता/कार्यकर्तामाथि लगाइएका मुद्दा फिर्ता, थुनाबाट मुक्त गर्नुपर्ने,असमान सन्धि सम्झौता खारेज,महंगी भ्रष्टाचार नियन्त्रण लगायत माग अगाडि सार्दै विप्लव नेतृत्वको नेकपाले आज देशव्यापी बन्दको घोषणा गरेको छ ।
