बुटवल । नेपाल कम्युनिस्ट पार्टी लगायत चार कम्युनिस्ट पार्टीले संयुक्त रूपमा भदौ ७ गते नेपाल बन्दको घोषणा गरेका छन् ।
बन्दको पूर्वसन्ध्यामा रुपन्देही जिल्लाका ३ ठाउँमा मसाल जुलुस सम्पन्न गरेको छ ।
देवदहकाे शंकरपुरबाट सुरुभएकाे जुलुस शंकरपुर चाेकमा पुगेर काेणसभामा परिणत भएको हाे ।
मसाल जुलुसपछि भएको कोणसभालाई सम्बोधन गर्दै नेकपाका जिल्ला सदस्य शीशिरले अाेलि सरकारले नेकपासँग गरेकाे ३ बुँदे सहमति अहिलेसम्म लागू गर्न नसकेको भन्दै सहमति लागू गर्न नसक्ने अहिलेकाे बठबन्धन सरकारकाे सरकारमा बस्ने कुनै अाैचित्य नभएको बताए ।
उनले एमसीसी मार्फत अमेरिका नेपालमा आएर नेपाललाई सिध्याउन लागेको भन्दै यसका विरुद्ध सबै दल पार्टी भन्दा माथि उठेर एकजुट भएर लड्नुपर्ने बताए ।
उनले भाेलीकाे नेपाल बन्दले देशैभरि लामो तथा छोटो दुरिका गाडीहरू नचल्ने शिक्षण संस्था उधोग धन्दा कलकारखाना पूर्ण रूपमा बन्द रहने बताए ।
मसाल जुलुस बुटवलको बेलवास चाेक , सैनामैनाकाे बाँसगढीमा पनि सयौंको संख्यामा युवाहरूले मसाल जुलुस बालेका थिए ।
नेकपा सहित चार कम्युनिस्ट पार्टीकाे संयुक्त केन्द्रीय संघर्षको कार्यक्रम अन्तर्गत भदाै ७ गते नेपाल बन्दकाे पूर्वसन्ध्यामा देशव्यापी मसाल जुलुस गरेको हो ।
