खुम बस्नेत, अर्घाखाँची । नेपाल कम्युनिस्ट पार्टी अर्घाखाँचीले पालिका स्तरीय प्रथम सम्मेलन सम्पन्न गरेको छ ।
सम्मेलन मार्फत अर्घाखाँचीका ६ अाेटै पालिकामा नेतृत्व चयन गरिएको हो ।
जसअन्तर्गत शन्धिखर्कमा गणेश पौडेलको नेतृत्वमा १५ सदस्यीय , शितगङ्गामा खेमराज पुनको नेतृत्वमा १३ सदस्यीय , भुमिकास्थानमा सुरज घर्ती मगरको नेतृत्वमा ९ सदस्यीय नगर कमिटी , मालारानीमा जिवलाल भुसालको नेतृत्वमा १३ सदस्यीय , छत्रदेवमा हरि प्रसाद पराजुलीको नेतृत्वमा ७ सदस्यीय र पाणिनीमा हरिलाल पोख्रेलको नेतृत्वमा ७ सदस्यीय गाउँपालिका कमिटीहरु गठन भएका छन् ।
सम्मेलनलाई प्रमुख अतिथिको रुपमा जिल्ला इन्चार्ज तथा केन्द्रीय सदस्य संगमले एकीकृत जनक्रान्ति छिट्टै सफल हुने र त्यसको लागि निर्धक्क साथ लाग्नुपर्ने कुरामा जोड दिदै अाफ्नो बधाई तथा शुभकामना मन्तव्य राख्नु भएको थियोे । त्यसैगरी विशिष्ट अतिथिको रुपमा जिल्ला सचिव माहुरी , विद्यार्थी नेता विज्ञान लगायतले शुभकामना मन्तव्य राख्नुभएको थियोे ।
सम्मेलन सन्धिखर्क ईन्चार्ज ताराको स्वागत मनतव्य, भुमिकास्थान इन्चार्ज चिन्तनको अध्यक्षता, मालारानी इन्चार्ज गर्जनको सञ्चालनमा सम्पन्न भएको थियोे ।
