बुटवल । नेकपा गुल्मी अन्तर्गत धुर्कोट गाउँपालिका नयाँ गाउँ र पिपलधाराको वडा सम्मेलन सम्पन्न भएको छ ।
सम्मेलनले वडा न. १ नयाँ गाउँमा कमरेड इन्द्रको नेतृत्वमा ९ सदस्यीय वडा कमिटि निर्माण भएको छ भने वडा न. २ पिपलधारामा कमरेड सुर्यको नेतृत्वमा ९ सदस्यीय वडा कमिटि निमार्ण भएको छ ।
दुइ स्थानमा भएको भेलालाई सम्बोधन गर्दै नेकपाका जिल्ला सेक्रेटरी सुमनले देउवा सरकारले अघोषित रुपमा ३ बुँदे सहमति भंग गरेर अशान्ति मच्चाउन खोजेको भन्दै दलाल राज्यसत्ताको दमनले क्रान्ति नरोकिने र पार्टी नझुक्ने बताउदै यसका विरुद्ध शसक्त प्रतिरोध गरिने बताए ।
सेक्रेटरी सुमनले आसन्न दलाल संसदीय व्यवस्थाको अन्त्य नहुँदासम्म नेपाली जनताका आवश्यकता पूरा नहुने कुरा बताउँदै एकीकृत जनक्रान्तिको कार्यदिशा मार्फत वैज्ञानिक समाजवाद स्थापना गर्ने यात्रामा सबै लामबद्व हुनुपर्ने बताए ।
उनले पार्टीको नवौं महाधिवेशन लक्षित कार्यक्रममा सहभागी हुन र महाधिवेशन भब्यरुपमा सफल पार्न आग्रह समेत गरे ।
कार्यक्रममा नेकपाका जिला सदस्यहरु बसन्त गैरे,बिनोद पोखरेल,तारा बस्नेत,चन्द्र सुनारले नव निर्वाचित कमिटिलाई सुभकामना प्रशिक्षणात्मक मनतब्य राखेका थिए ।
कार्यक्रम सुर्यको सञ्चालन र इन्द्रको अध्यक्षतामा सम्पन्न भएको थियो ।
