सन्धिखर्क । नेपाल कम्युनिस्ट पार्टी लगायत चार क्रान्तिकारी पार्टीद्वारा राष्ट्रव्यापी रुपमा घोषित संघर्षका कार्यक्रम अन्तर्गत अर्घाखाँचीको सन्धिखर्कस्थित भक्तिटोलामा राष्ट्रघाती एमसीसी, एसपीपी, आइपिएस र नागरिकता विधेयकको विरुद्धमा कोणसभा सम्पन्न भएको छ ।
कोणसभालाई सम्बोधन गर्दै नेपाल कम्युनिस्ट पार्टीका जिल्ला इन्चार्ज संगमले राष्ट्रघात र जनघातको विरुद्धमा निरन्तर संघर्ष गर्ने र राष्ट्रघाती एमसीसी लगायत आईपिएसका कुनै पनि हस्तक्षेपकारी योजनाहरु लागू हुन नदिने गरि नेपाली जनताको साथमा दलाल सत्तासँग अन्तिमसम्म लड्ने बताउनुभएको छ । उहाँले नेपाललाई फिजिकरण गर्ने भारतीय निहित उद्देश्यका साथ ल्याइएको राष्ट्रघाती नागरिकता विधेयकका विरुद्धमा पनि आफ्ना वास्तविक नागरिकहरुलाई नागरिकता प्राप्त गर्ने अधिकारबाट बन्चित हुन नदिने गरि संघर्ष गर्ने बताउनुभएको छ ।
हरि नेपालीको सञ्चालन रहेको कोणसभामा पार्टीको स्कुलिङ विभाग केन्द्रीय सदस्य क. चिन्तनले पनि आफ्नो मन्तव्य राख्नुभएको थियो ।
