कास्की । कास्कीको पोखरा महानगरपालिकाले महानगरको वार्ड न ३३ पिप्लेमा रहेका करिव ३० घर परिवारहरुको टहरा भत्काइ सम्वेदनाहिन र अमानवीय काम गरेको भन्दै नेपाल कम्युनिस्ट पार्टी कास्कीले विरोध जनाएको छ।
सोमबार नेकपा कास्कीका सेक्रेटरी काजिले एक विज्ञप्ति जारी गर्दै महानगरको निर्णय र कार्यको विरोध गरेका हुन। सेक्रेटरी काजिद्वारा जारी विज्ञप्तिमा भनिएको छ
“पोखरा महानगरपालिकाको३३ पिप्लेमा अवस्थित करिव ३० घर रहेको सुकुम्बासी वस्तिमा वल प्रयोग गरि महिला तथा वालबालिकाहरुलाई दुर्ववहार गर्दै नागरिक प्रतिको सामान्य दायित्व र सम्वेदनालाई समेत भुली सुकुम्बासीहरुको टहरा भत्कायको घटना प्रती हामी घोर भत्सर्ना गर्दछौ। भु–माफियाहरुले हजारौं रोपनी जमिन हडब्दा नदेख्ने, सार्वजनिक जग्गा निजि कम्पनीलाई भाडामा दियकोमा मौन रहने र सुकुम्बासीको वैकल्पिक व्यवस्था नगरी राज्य आतंक मच्चाउनु शङ्कास्पद छ। सम्मानपुर्वक बाँच्न पाउने र आवासको अधिकार सुनिश्ति गरिने भनेर मौलिक अधिकारको रुपमा समेत उल्लेख भएको वेला यसप्रकारको घटना घट्नु गरिव नागरिक प्रतिको अक्षम्य अपराध हो। सुकुम्बासीहरुको वैकल्पिक व्यवस्था गर्न र उनिहरुलाई पुनर्स्थापना गर्न सम्वन्धित पक्षको ध्यान आकर्षण गर्दछौ। साथै वुद्दिजिवी,पत्रकार,मानव अधिकार कर्मी र राजनितीक दलहरुलाइ सहयोग र सहकार्यका निम्ति अनुरोध गर्दछौ।”
यस्तो छ विज्ञप्तीको पुर्ण पाठ:
