बुटवल । नेकपा केन्द्रीय समितिको आयोजनामा बुटवलमा संयुक्त राजनीतिक तथा वैचारिक प्रशिक्षण सुरु भएको छ । नेकपाको केन्द्रीय समितिको १३ औं केन्द्रीय समितिको उदयपुरमा सम्पन्न पूर्ण बैठकको भाव सम्प्रेषण गर्न प्रशिक्षणको आयोजना गरिएको हो ।
रुपन्देही, गुल्मी, पाल्पा, कपिलवस्तु, अर्घाखाँची, नवलपरासी, नवलपुर जिल्लाको संयुक्त प्रशिक्षण बुटवलमा सुरु भएको हो । करिब २ सयभन्दा बढी प्रतिनिधिहरुको सहभागिता रहेको कार्यक्रममा नेकपा महासचिव विप्लव, केन्द्रीय सचिवालय सदस्य बिषम, केन्द्रीय सदस्यहरुले प्रशिक्षण दिने बताइएको छ ।
प्रशिक्षणमा पार्टी केन्द्रीय सदस्यहरु, जिल्ला इन्चार्ज, जिल्ला सेक्रेटरी, जिल्ला सल्लाहकार, जिल्ला सदस्यहरु, विशेष कमिटीका सदस्यहरु, सहिद तथा बेपत्ता परिवारजनको सहभागिता रहेको छ । प्रशिक्षणमा संग्रामी सांस्कृतिक परिवारले सांगितिक प्रस्तुति गरिरहेको छ ।
