बुटवल । अखिल (क्रान्तिकारी) बुटवल क्याम्पस कमिटीद्वारा बुटवल बहुमुखी क्याम्पसमा प्रशासन समक्ष मागपत्र पेश गरेको छ ।

विगत लामो समयदेखि विद्यार्थीहरुले विद्यार्थीका शैक्षिक मागहरु राख्दै जिल्लाका विभिन्न क्याम्पस तथा कलेजहरुमा उठान गर्दै आइरहेको र सम्बन्धीत निकायबाट विद्यार्थीहरुका जायज मागहरु प्रति सम्बोधन नभएकोले सो सम्बन्धी संगठनको ध्यानाकर्षण भएकोले उक्त माग तत्काल लागु गर्न क्याम्पस प्रशासन समक्ष जोडदार माग राख्दै आएको व्यहोरा मागपत्र मार्फत जाकारी गराएको छ ।
मागपत्रको सार ..............

श्री क्याम्पस प्रमुख ज्यू,
बुटवल बहुमुखी क्याम्पस
बुटवल, रूपन्देही

बिषय : मागपत्र

हाम्राे महान तथा गाैरवशाली संगठन अखिल (क्रान्तिकारी) जनजीविका, जनतन्त्र र राष्ट्रियता तथा शैक्षिक मुद्दाहरू उठान गरेर बिद्यार्थीकाे पक्षमा तथा सबैखाले बेथितिहरूकाे विरुद्धमा शशक्त आन्दोलन र सङ्घर्ष गर्दै आइरहेको संगठन हाे । हाम्राे संगठन यस क्याम्पसमा विगत देखि नै क्रियाशिल रहेकाे अवगत नै छ ।

यसै सन्दर्भमा हाम्राे संगठनले यस क्याम्पसमा अध्ययनरत बिद्यार्थीहरूकाे विभिन्न माग/मुद्दाहरूकाे उठान गरेकाे छ । तल उल्लेखित मागहरू सम्बाेधन गर्न यस क्याम्पस प्रशासन समक्ष हाम्रो संगठन जाेडदार माग गर्दै याे मागपत्र पेश गर्दछ ।

मागहरू :

१. बिद्यार्थी संख्या अनुसार कक्षाकाेठा व्यवस्थापन नभएकोले बिद्यार्थीहरूलाई अध्ययनमा असहजता भइरहेको छ । कक्षाकाेठा र बिद्यार्थी संख्याकाे मापदण्ड अनुसार कक्षाकाेठा व्यवस्थापन गरियाेस् ।
२. क्याम्पसमा पिउनपानीकाे समस्या तत्काल हल गरियोस् । पुर्वतिरकाे ब्लकमा पिउनेपानीकाे धाराकाे व्यवस्था गरियोस् ।
३. शाैचालयकाे चुकुल, झ्याल, ढाेकाहरूकाे मर्मत गरियोस् । शौचालयमा नियमित पानी आउने व्यवस्था गरियोस् । शौचालयमा साबुनको व्यवस्था गरियोस् ।
४. कक्षाकाेठामा पर्याप्त पङ्खा र लाइटकाे व्यवस्था गरियोस् ।
५. छात्राहरूको लागि सेनेटरी प्याडकाे व्यवस्था गरियोस् । क्याम्पसमा स्वास्थ्य सहायता केन्द्र (Health Desk) व्यवस्था गरियोस् ।
६. बिद्यार्थी परिचयपत्र र पुस्तकालय कार्ड बनाउन ढिलासुस्ती नगरि बिद्यार्थीहरूलाई छिटो बितरण गरियाेस् ।
७. कक्षा खाली भइरहने समस्या हल गरियोस् । कक्षामा नियमित पठनपाठन हुने व्यवस्था मिलाइयाेस् ।
८. क्याम्पसकाे प्रशासनिक शाखाहरूकाे कामकारबाही सहज र छिटाे सेवा प्रदानमा ध्यान पुर्याइयाेस् । सेवा लिनकाे लागि लामाे समय लाइन लाग्नुपर्ने परिस्थितिकाे अन्त्य गरियोस् ।
९. पर्याप्त खेलकुद सामग्रीको व्यवस्था गरियोस् ।
१०. सबै संकाय(faculty)का बिद्यार्थीहरूलाई विभिन्न अतिरिक्त क्रियाकलाप, तालिम, गाेष्ठी, सेमिनारहरू गर्ने व्यवस्था गरियोस् ।

क्रान्तिकारी अभिवादनसहित !

मिति : २०७९/०१/१४

सिद्धान्त कुँवर
संयाेजक