बुटवल । नेकपा (क्रान्तिकारी माओवादी) का स्थायी समिति सदस्य सहित १० जना नेता कार्यकर्तालाई इलाका प्रहरी सुनवलले पक्राउ गरेको छ ।
पक्राउ पर्नेहरुमा स्थायी समिति सदस्य राम सिंह श्रीसमगर, पार्टी पिविएम धनेश्वर पोख्रेल, परासी जिल्ला सचिवालय सदस्य रामचन्द्र पोख्रेल, जिल्ला सदस्य कमल तमु, रवि पुन, गुणनिधि पोखरेल, मोहनलाल शर्मा, ऋषिराम बि क र नेवा मुक्ति मार्चाका जिल्ला संयोजक चन्द्रमान मानन्धर र क्रान्तिकारी पत्रकार महासंघका रवि पाण्डे रहेका छन् ।
नेकपा (क्रान्तिकारी माओवादीलले) आगामी बैशाख ३० गते हुने स्थानीय तहको निर्वाचनलाई बहिष्कार गरेको थियो । सुनवल बजार चोकमा निर्वाचन बहिष्कार कार्यक्रमलाई सम्बोधन गर्दे गर्दा उनीहरुलाई पक्राउ गरेको पत्रकार रवि पाण्डेले बताए ।
उता कार्यक्रममा सहभागी पत्रकार पाण्डेलाई कार्यकर्ताको रुपमा पक्राउ गरेको सुनवल प्रहरीले बताएको छ ।
