बुटवल । अखिल (क्रान्तिकारी) केन्द्रीय समितको तेस्रो पूर्ण बैठक केन्द्रीय अध्यक्ष प्रकाश शाहीको अध्यक्षतामा काठमाण्डौमा सम्पन्न भएको छ ।
बैठक २०७८ चैत ३० देखि २०७९ बैशाख १ र २ गते सम्म चलेको थियो ।
बैठकमा संगठनका सबै केन्द्रीय सदस्यहरुले आ–आफ्नो कार्य क्षेत्रको महत्वपूर्ण रिर्पोट तथा सुझावहरु पेश गरेका थिए ।
पार्टीका नेतृत्व तथा पदाधिकारीहरुबाट देशका समसामयिक विषय वस्तुमाथि स्पष्ट पार्दै देशमा विद्यार्थीहरुको महत्वपूर्ण भूमिका र कार्यभारको विषयमा छलफल भएको थियो ।
बैठकमा देशमा भइरहेको महंगी, चर्को मूल्यबृद्धि, भ्रष्टाचार र शिक्षा क्षेत्रमा भएका अनियमितता, विभेद, चर्को शुल्क र विद्यार्थी हक हितका बारेमा प्रष्ट पार्दै संगठनले प्रेश विज्ञप्तीमार्फत सूचना जारी गरेको छ ।
