२०७८ चैत १७ गते । प्रेस चौतारी नेपालका पुर्व केन्द्रीय सदस्य विरेन्द्र मिश्रलाई पितृशोक परेको छ । पत्रकार मिश्रका बुबा दिनानाथ मिश्रको रुपन्देहीको लुम्बिनी सांस्कृतिक नगरपालिका वडा नम्बर ३ निबासी दिनानाथ मिश्राको मिति २०७८ चैत १६ गते राति करिव १ बजे ८२ वर्षको उमेरमा निधन भएको सचिव केशव भण्डारीले जानकारी दिनुभएको हो ।
स्वर्गीय मिश्रा लामो समय मुटुरोगबाट ग्रसित हुनुहुन्थ्यो । त्यस्तै उहाँको केही समयअघि खुट्टा भाँचिएर करिव ८ महिनासम्म नौतनवामा उपचार गराएर हालै मात्र घर फर्किनुभएको थियो । स्वर्गीय मिश्रका श्रीमती, एक छोरा र एक छोरी हुनुहुन्छ । शोकको यस घडीमा पत्रकार मिश्रका बुबाप्रति भावपूर्ण श्रद्धाञ्जली व्यक्त गर्दै शोक सन्तप्त परिवारजनप्रति हार्दिक समवेदना व्यक्त गरेको छ ।
