बुटवल । मोटरसाइकल दुर्घटना हुँदा एक जनाको मृत्यु भएको छ ।
जिल्लाको घोडाघोडी नगरपालिका-१० स्थित सशस्त्र प्रहरी ब्यारेक नजिक मोटरसाइकल दुर्घटना हुँदा घोडाघोडी-९ का २७ वर्षीय हरिशरण चौधरीको मृत्यु भएको हो ।
बुधबार राति ८ बजे तीन जना सवार सुपप्र ०१-०१०प४२८७ नम्बरको मोटरसाइकल दुर्घटना भएको प्रदेश ट्राफिक प्रहरी कार्यालय अत्तरियाले जनाएको छ । दुर्घटनामा मोटरसाइकल पछाडि सवार चौधरीको मृत्यु भएको हो ।
त्यस्तै, मोटरसाइकल पछाडि सवार घोडाघोडी-९ कै २२ वर्षीय दिपेन्द्र चौधरी सामान्य घाइते भएका छन् । भने चालक ३० वर्षीय किसन चौधरीलाई प्रहरीले नियन्त्रणमा लिएको छ ।
