बुटवल । काठमाण्डौं महानगरपालिका–१६ घर भएकी ५४ वर्षीया बिमला श्रेष्ठलाई ठगी तथा आपराधिक बिश्वासघात गरेको आरोपमा प्रहरीले काठमाण्डाैंबाट पक्राउ गरेको छ ।
महानगरीय प्रहरी परिसर काठमाण्डौंबाट खटिएको प्रहरीले काठमाण्डौं महानगरपालिका–१६ बालाजुबाट उनलाई पक्राउ गरेको महानगरीय प्रहरी परिसर काठमाण्डौंले जनाएकाे छ।
पीडितको नवलपरासी जिल्लास्थित जग्गा/जमिन खण्डीकरण र बिक्री गरी सो बापत दिनु पर्ने २ करोड ५६ लाख रुपैयाँ नदिई उनी फरार रहेकी प्रहरीले जनाएकाे छ ।
उनलाई आवश्यक अनुसन्धान तथा कारबाहीको लागि जिल्ला प्रहरी कार्यालय नवलपरासी पठाइएको उक्त परिसरले जनाएको छ ।
