बुटवल । तत्कालीन नेकपा रूपन्देही इन्चार्ज संगम रिहा हुनुभएको छ । नेता संगम १८ महिना जेल जीवन बिताएर बिहिवार रिहा हुनुभएको छ ।
राज्यले नेकपामाथी प्रतिबन्ध लगाएको बेला २०७७ साउन १६ गते नेता संगम सहित ११ जनालाई बुटवल रानिगन्जबाट प्रहरीले गिरफ्तार गरेको थियो । शान्तिपूर्ण राजनीतिक गतिविधि गरिरहेको बेला प्रहरीले संगमलगायत नेता गिरफ्तार भएपछी नेकपाले निन्दा गर्दै रिहाइको माग गरेको थियो ।
नेता संगमलगायत १० जना मध्ये ९ जना अघि रिहा भैसक्नुभएको थियो । बुटवलबाट पक्राउसंगै नेता संगमलाई बुटवल इलाका प्रहरी कार्यालयको हिरासत हुँदै जिल्ला कारागार, तौलिहवा कारगारपछि उपचारका लागि काठमाडौ गएपछी नक्खु जेलमा बस्नु भएको थियो ।
