प्रकाश थापा/ कैलाली नेपाल कम्युनिस्ट पार्टी लगायतका राजनैतिक दलहरुले गरेको १ दिने नेपाल बन्द सुदुरपश्चिम प्रदेशको सबै जिल्लामा व्यापक प्रभाव परेको सुचना प्राप्त भएको छ डोटी जिल्ला सदरमुकाम सिलगढी र दिपायल सबै बजार ठप्पै बन्द र सुनसान भएको युवा संगठन नेपाल डोटी जिल्ला अध्यक्ष सुशिल मलासीले बताएका छन् ।
त्यसैगरी डडेलधुरा जिल्ला सदरमुकाम अमरगढी नपा परशुराम नपा लगायत सम्पूर्ण जिल्लाभरी बन्द भएको अखिल(क्रान्तिकारी) डडेलधुरा अध्यक्ष गणेश बोहराले जनाएका छन। यसरी नै कन्चनपुर,अछाम,बजुरा,बझाङ,बैतडी,दार्चुला र कैलाली सबै सुदुरपश्चिम प्रदेशको ९ जिल्लामा नेपाल बन्दको व्यापक प्रभाव परेको नेपाल कम्युनिस्ट पार्टीका नेताहरु मार्फत जानकरी प्राप्त भएको छ ।
आज एम.सि.सि.परियोजना संसदमा टेबुल हुन लागेको विरुद्धमा नेपाल कम्युनिस्ट पार्टी लगायतका राजनैतिक दलहरुद्वरा एक दिने नेपाल बन्द आयोजना गरेको नेपाल कम्युनिस्ट पार्टीका विशेष कमिटी सदस्य बिमल धामीले बताइएका छन् ।
