बुटवल । रुपन्देहीमा ६ दलको मंगलबार बुटवलमा बसेको बैठकले नेपाल बन्दलाई प्रभावकारी बनाउने निर्णय गरेको छ । नेपाल बन्द सफल पार्न सम्पूर्ण तयारी गर्ने संयुक्त दलले निर्णय गरेको छ।
६ दलको बैठकले रुपन्देहीमा एमसीसी विरुद्ध यसअघिका कार्यक्रमको समीक्षा गर्दै फागुन ४ गतेको नेपाल बन्दलाई सफल पार्न सम्पूर्ण उद्योगी, यातायात व्यसायी, शैक्षिक संघसंस्था, पत्रकार, मानवअधिकारकर्मी एवं देशभक्त, प्रगतिशील, बुद्धिजीवीहरुलाई सहयोग गर्न अपील गरेको छ ।
बैठकमा विप्लव नेतृत्वको नेकपासहित संयुक्त संघर्षमा सहभागि राजनीतिक दल र मोर्चाहरुको सहभागिता रहेको थियो ।
बन्द विहान ५ बजेदेखि साँझ ५ बजेसम्म रहने स्रोतले बताएको छ । बन्दको क्रममा अत्यावश्यक एम्बुलेन्स, दमकल, दुधको गाडीलाई चल्न दिने बताइएको छ । बन्द शान्तिपूर्ण रहने स्रोतले बताएको छ ।
