बुटवल । अखिल (क्रान्तिकारी) रुपन्देहीले एमसीसीलाई नेका सभापति एवं प्रधानमन्त्री शेरबहादुर देउवा र नेकपा माओवादी केन्द्रका अध्यक्ष प्रचण्डले पठाएको गोप्य पत्र जलाएको छ ।
बु्टवलको बुद्धनगरमा नाराबाजी सहित कोणसभा गरेर गोप्यपत्र जलाएको हो । कोणसभामा बोल्दै अखिल (क्रान्तिकारी)का जिल्ला उपाध्यक्ष पारस राहादी मगरले गोप्यपत्रले कांग्रेस र माओवादी केन्द्रको असली अनुहार उदांगिएको भन्दै साम्राज्यवादको एजेन्टहरुविरुद्ध जीवनमरणको संघर्ष आवश्यक भएको बताए । उनले कांग्रेस, एमाले, माके राष्ट्रघाती पार्टीहरु भएको भन्दै उनीहरुले एमसीसी पास गर्न खोजेर फेरि अर्को राष्ट्रघात गर्न खोजेले यसको खारेजीका लागी सम्पूर्ण देशभक्त नेपाली जनता संघर्षमा उत्रिनुपर्ने बताए ।
आइतबार एमसीसी सम्झौता पास गर्न अमेरिकालाई पठाएको गोप्यपत्र सार्वजनिक भएपछि राष्ट्रिय राजनीति तरङ्गित भएको छ । नेकपाले एमसीसी सम्झौता राष्ट्रघाती भएको भन्दै तत्काल खारेज गर्न माग गर्दै संघर्ष गर्दै आएको छ ।
प्रतिक्रिया
