बुटवल । बुटवलमा लामो समयदेखि उखरमाउलो गर्मीका कारण छटपटिएका बुटवलबासी आज विहानै पानी परेपछि शीतलता महसुस गरेका छन् । 

आइतबार विहान ७ बजेदेखि पानी परेपछि थोरै भएपनि चिसो वातावरण भएको छ । उखरमाउलो गर्मी, मच्छेड र पटक पटक बिजुली गइरहेका कारण बुटवलबासी हैरानी रहेका थिए । पानी परेपनि मच्छेड र बिजुली गइरहने समस्या भने उस्तै रहेको छ । 

पानी परेपछि मान्छेलाई मात्रै शीतलता नभएर बुटवल नजिक रहेका सामुदायिक बनजंगल, चरा तथा बन्यजन्तुलाई समेत राहत भएको छ ।