बुटवल । नेपाल कम्युनिस्ट पार्टीका केन्द्रीय सदस्य एवम् मुस्ताङ जिल्ला इन्चार्ज छम सी (आकाश) को निधन भएको छ । शनिबार बेलुका ६ बजे क्यान्सर रोगबाट पीडित आकाशको निधन भएको हो ।
उनको निधनमा नेकपाले दुःख व्यक्त गरेको छ । पार्टी महासचिव विप्लवले आइतबार शोक वक्तत्य जारी गर्दै उनको असामयिक निधनले पार्टीलाई दुःखी र मर्माहत बनाएको बताएका छन् ।
‘महान् जनयुद्धदेखि एकीकृत जनक्रान्तिसम्म आफ्नो भौतिक ज्यानको प्रवाह नगरी अहोरात्र देश र जनताका लागि अमुल्य योगदान पु¥याउँदै आउनुभएका क.आकाशको अल्पायुमै भएको निधनले पार्टीलाई अपूरणीय क्षति पुगेको छ । पार्टी उहाँको वैज्ञानिक समाजवाद प्राप्तिको अधुरो कार्यभार पूरा गर्ने प्रतिबद्धतासहित उहाँप्रति हार्दिक श्रद्धाञ्जली अर्पण गर्दछ । साथै यस दुःखद क्षणमा उहाँको परिवारजनमा समवेदना प्रकट गर्दछौं ।’, शोक वक्तव्यमा भनिएको छ ।
