बुटवल । नेकपाले जातीय तथा क्षेत्रीय मोर्चा संगठनहरुको तर्फबाट प्रमुख जिल्ला अधिकारीमार्फत् प्रधानमन्त्री केपी वलीलाई ज्ञापनपत्र पठाएको छ ।
अर्घाखाँचीमा जिल्ला इन्चार्ज खेम सीको नेतृत्वमा प्रमुख जिल्ला अधिकारी बेदप्रसाद पोखरेललाई ज्ञापन पत्र बुझाएका छन् ।
पाल्पामा जिल्ला सेक्रेटरी नेपाल सीको नेतृत्वमा गएको टोलीले प्रमुख जिल्ला अधिकारी तोयनारायण सुवेदीलाई ज्ञापनपत्र बुझाएको छ ।
ज्ञापनपत्रमा नेकपाले राजावादी तत्वहरुबाट तीनकुने, कोटेश्वर र जडीबुटी लगायतका क्षेत्रमा गरिएको तोडफेड, आगजनी, लुटपाट लगायतका घटनाबाट हुन गएको धनजनको उचित छानवीन गरी दोषीलाई कडा कार्वाही र पीडितलाई उचित क्षतिपूूर्ती दिन माग गरेको छ ।
त्यस्तै मागपत्रमा देशका भावी कर्णाधार जन्माउने शिक्षकहरुको आन्दोलन महिनौदेखि जारी भएको भन्दै उनीहरुको मागलाई सरकारले तुरुन्त पूरा गरेर शिक्षकहरुलाई विद्यालय विद्यालय फर्काउन र शिक्षा क्षेत्रको अध्यायन÷अध्यापन सुचारु गर्न र कक्षा १२ को परीक्षा सहज बनाउन सरकारको ध्यानाकर्षण गराएको छ ।
