बुटवल। पर्वत रुपन्देही सेवा समाज सैनामैना नगर समितिको तेस्रो नगर अधिबेशन सम्पन्न भएको छ ।
समाजका केन्द्रीय अध्यक्ष रामकृष्ण शर्माको प्रमुख आतिथ्यतामा उक्त कार्यक्रम सम्पन्न भएको हो ।
उक्त अधिबेशनलाई सम्बोधन गर्दै समाजका केन्द्रीय अध्यक्ष शर्माले पर्वत रुपन्देही सेवा समाज सबै पर्वतेलीहरुको साझा चौतारी भएको बताए । यो समाज सबैको सुख दु:खको साथी भएको बताउदै समस्यामा परेका पर्वतेलीहरुलाई आवश्यक सहयोग गरिरहेको बताए ।
रुपन्देहीमा मात्र नभएर पर्वत प्रतिको आफ्नो दायित्व समेत पूरा गरिरहेको बताउदै पर्वत रुपन्देही सेवा समाजको रुपन्देहीमा छुट्टै पहिचान गराउन सफल भएको बताए ।
रुपन्देहीका प्रत्येक पालिकाहरु तथा प्रत्येक वडाहरुमा समेत संगठन विस्तार गर्ने योजना रहेको अध्यक्ष शर्माले बताए ।
यसैगरी समाजका बरिस्ठ उपाध्यक्ष लेखनाथ भट्टराईले दुख र समस्यामा परेका पर्वतेलीहरुलाई जुनसुकै परिस्थितिमा पनि समाजले सहयोग गरिरहेको बताए । संस्थाका महासचिव टेकराज शर्माले समाजको छातामुनि सबै पर्वतेलीहरुलाई समेट्नु पर्नेमा जोड दिए ।
उक्त कार्यक्रममा समाजका केन्द्रीय सदस्य धर्मागत बस्याल , नगर समिति सल्लाहकार टिकाराम न्यौपाने ,टेक प्रसाद बस्याल लगाएतले शुभकामना मन्तव्य राखेका थिए ।
उक्त साधारणसभाको बन्दसत्रमा नगर अध्यक्ष बिष्णु प्रसाद काफ्लेले पेस गरेको प्रतिबेदन अनुमोदन गरिएको थियोे ।
यसैबीच आजको अधिबेशनले तिर्थ प्रसाद भुसालको अध्यक्ष्ातामा पछि एक सदस्य थप गर्ने गरि १० सदस्य नयाँ नेतृत्व चयन गरेको छ । जसमा उपाध्यक्ष धनश्याम बस्याल , सचिव कृष्ण प्रसाद बस्याल ,कोषाध्यक्ष जमुना काफ्ले , सहसचिव सीता तिवारी ,सदस्यहरुमा बद्रीरमण पराजुली ,दण्डपानी भुसाल ,गोविन्द पौडेल ,अप्सरा तिवारी ,यमलाल काफ्ले तथा लेखा संयोजक टेक प्रसाद बस्याल ,सदस्यमा भोजराज न्यौपाने ,तिला काफ्ले चयन भएका छन् ।
प्रत्येक पालिकाहरुको अधिबेशन सकेपछि केन्द्रीय समितिको अधिबेशन हुने केन्द्रीय सदस्य धर्मागत बस्यालले बताए ।
