रुपन्देही । विप्लव नेतृत्वको नेपाल कम्युनिस्ट पार्टी तिलोत्तमा नगर समितिको पुर्ण बैठक सम्पन्न भएको छ ।
नेकपा केन्द्रीय सदस्य शरद सीको प्रमुख आतिथ्यतामा उक्त बैठक सम्पन्न भएको हो ।
उक्त बैठकलाई सम्बोधन गर्दै प्रमुख अतिथि शरद सीले नेपाल कम्युनिस्ट पार्टी कृषि उत्पादन सँगै संगठन सुदृढीकरण अभियान लागेको बताउनु भयो । केन्द्रीय कमिटी तथा प्रदेश कमिटीको निर्णय अनुसार प्रत्येक वडासम्म संगठन बिस्तार अभियानलाई तीव्रता दिदै स्थानीय स्तरमा जनताका समस्याहरु समाधानको लागि काम गर्न नगर कमिटीलाई निर्देशन दिनु भयो ।
नेपाली बिशेषताको समाजवाद स्थापनाको निम्ति पार्टीले चुनावलाई उपयोग गर्ने निति लिएको स्पष्ट पार्दै पार्टीका बिचारहरु जनता सँग लैजान र सुझाव लिन कार्यकर्ताहरुलाई आग्रह गर्नु भयो ।
रुपन्देही जिल्ला कमिटी सदस्य तथा तिलोत्तमा सेक्रेटरी प्रज्वल सीको अध्यक्ष्ातामा सम्पन्न पुर्ण बैठकमा केन्द्रीय प्रतिनिधि सदस्य विज्ञान सी , केन्द्रीय प्रतिनिधि सदस्य तथा तिलोत्तमा नगर इन्चार्ज राजु सी , जिल्ला कमिटी सदस्य लक्ष्मी सी ,खेम सी ,जीवन सी ,टेकबहादुर सी , माया सी लगाएतको उपस्थिति रहेको थियोे ।
यसैगरी आजको बैठकले नगर कमिटीमा तीन जना सदस्य थप गर्ने निर्णय समेत गरेको छ भने चन्द्रकला रसाइली ,कमल पाण्डे ,गोबिन्द सी , रङ्गिलाल सीलाई नगर सल्लाहकारमा चयन गरिएको छ ।
पछिल्लोपटक सामुहिक उत्पादनमा जोड दिदै आइरहेको नेपाल कम्युनिस्ट पार्टीले चुनावको उपयोग गर्ने निर्णय गरे सँगै राजनीतिक क्षेत्र समेत तरंगित बनेको छ ।
