बुटवल । राष्ट्रिय लोक तथा दोहोरी गीत प्रतिस्ठान नेपालका उपाध्यक्ष सुवास केसीको शब्द तथा अभिनय रहेको " कल्लाई थाहा छ र " नेपाली मौलिक पञ्चेबाजाको नयाँ गीति एल्बम सार्वजनिक भएको छ ।
उक्त गीतमा सर्जक एवं साहित्यकार डिल्लीनारायण पाण्डे तथा लोकपि्रय गायिका प्रीति आलेलेको स्वर तथा डिल्लीनारायण पाण्डेले संगीत भरेका छन् । उक्त गीति एल्बममा विनोद पराजुलीले संगीत संयोजन गरेका छन् ।
मुख्यतः प्युठान जिल्लाको ग्रामीण परिवेश र मौलिकतालाई देखाइएको छ ।उक्त गीति एल्बमको निर्देशन कमल भक्तले गरेका छन् भने सुवास केसी ,नीरा बुढाथोकी ,गणेश केसी ,प्रतीक्षा केसी लगाएतको अभिनय रहेको छ ।
पछिल्लोपटक नेपाली मौलिकतामा रहेको पञ्चेबाजा युटुबमा सार्वजनिक भए पछि सबैले मन पराएका छन् ।
यसैबीच सर्जन तथा साहित्यकार समेत रहेका डिल्लीनारायण पाण्डेले नेपाली मौलिक पन्चेबाजाको संरक्षण गर्ने उदेश्यले गीति एल्बम सार्वजनिक गरेको बताए ।
