बुटवल । विप्लव नेतृत्वको नेपाल कम्युनिस्ट पार्टी रुपन्देहीले माओको १३२ औं जन्म दिवसको स्मरणमा बुटवलमा कार्यक्रम सम्पन्न गरेको छ ।
नेकपा पोलिटब्युरो सदस्य बसन्त सीको प्रमुख आतिथ्यतामा उक्त कार्यक्रम सम्पन्न भएको हो ।
उक्त कार्यक्रमलाई सम्बोधन गर्दै प्रमुख अतिथि बसन्त सीले माओबाट सबै विश्वभरका कम्युनिस्टहरुले शिक्षा लिनुपर्ने बताउनु भयो ।
अहिले पनि माओको विचारलाई आत्मसात गरेर हिड्न आवश्यक रहेको बताउनु हुदै सबै कम्युनिस्टहरुले त्यसतर्फ ध्यान दिनुपर्नेमा जोड दिनु भयो । कतिपय कम्युनिस्ट पार्टीहरुले माओको विचारलाई आत्मसात गर्न नसकेको प्रति चिन्ता व्यक्त गर्दै नेपाली बिशेषता अनुसारको आर्थिक ,सामाजिक , साँस्कृतिक लगाएत समग्र रुपान्तरणको प्रक्रियामा अगाडि बढ्नु नै वास्तविक रुपमा माओ प्रति संमान हुने बताउनु भयो ।
पार्टीका केन्द्रीय सदस्य शरद सीको अध्यक्षतामा सम्पन्न उक्त कार्यक्रममा नेकपा रुपन्देहीका सल्लाहकार ज्योतिलाल सी , जया सी लगाएतले विश्व कम्युनिस्ट आन्दोलनमा माओको योगदानको बारे चर्चा गर्नु भएको थियोे । उक्त कार्यक्रमको संचालन रुपन्देही सेक्रेटरी बिरेन्द्र सीले गर्नु भएको थियोे ।
