बुटवल । नेकपा सैनामैनाले नगर सदस्य भुड्की सीप्रति श्रद्धाञ्जली कार्यक्रम गरेको छ । सोमबार एक कार्यक्रमको आयोजना गरि उहाँप्रति श्रद्धाञ्जली कार्यक्रम सम्पन्न गरेको हो ।
कार्यक्रममा बोल्दै नेकपा पोलिटब्युरो सदस्य एवं जिल्ला इन्चार्ज बसन्त सीले उहाँ पार्टीको इमान्दार कार्यकर्ता भएको भन्दै उहाँको योगदानलाई पार्टीले सदैव स्मरण गर्ने बताउनुभयो । उहाँले मृत्यु संस्कारलाई पार्टीले नयाँ सी संस्कृतिमा बदलेको बताउदै त्यसलाई सबैले अबलम्बन गर्नुपर्ने बताउनुभयो । सैनामैना नगर इन्चार्ज तेजेन्द्र सीले दिवंगत भुड्की सी नगर क्षेत्रको पार्टी निर्माणमा महत्वपूर्ण योगदान गरेको बताउनुभया ।
कार्यक्रममा केन्द्रीय सदस्य विश्वास सी, गुल्मी इन्चार्ज खोमा सी, केन्द्रीय प्रतिनिधि सदस्य श्याम सी, जिल्ला सेक्रेटरी विरेन्द्र सीलगायत जिल्लाका नेता कार्यकर्ता र स्थानीयको सहमागिता समेत रहेको थियो । उक्त अवसरमा पार्टीले अक्षयकोषका लागि आर्थिक सहयोग समेत गरेको थियो ।
