बुटवल । लगानी लुम्बिनीमा समृद्धि देशमा भन्ने मुल नाराको साथ संचालन भइरहेको बुटवल औद्योगिक व्यापार मेलामा चौथो दिनसम्म आइपुग्दा दर्शक तथा अवलोकनकर्ताहरुको संख्या बढेको छ । चौथो दिन ३५ हजार भन्दा बढीबाट अवलोकन , १२ लाखौंको टिकट बिक्री तथा १ करोड ५० लाख भन्दा बढीको आर्थिक कारोबार भएको बुटवल उद्योग वाणिज्य संघका महासचिव मुक्ति प्रसाद अधिकारले बताउनु भएको छ ।
बुटवल उद्योग वाणिज्य संघले आयोजना गरेको उक्त व्यापार मेला यस अघिका मेलाहरु भन्दा फरक र आकर्षकरुपमा अगाडि बढी रहेको छ । यस पटकको मेला थप व्यस्थित समेत देखिएको छ भने मेलामा आउने जाने बाटो समेत फराकिलो पारिएको छ । उक्त मेलामा औद्योगिक प्रदर्शनी , ब्युटी सो , टिकटको आधारमा नेपाल टेलिकमको निशुल्क सिम वितरण , धुलो रहित स्टेज ,टिकटक , लोक दोहोरी , भजन ,तथा नित्य प्रतियोगिताहरु संचालन भइरहेका छ भने कृषि प्याभिलियन , टनेल एक्युरिम ,जितगढी किल्ला झल्कने स्टेज थप आकर्षकको केन्द्र बनेका छन् ।
विभिन्न ख्यातिप्राप्त राष्ट्रिय तथा स्थानीय कलाकारहरुको प्रस्तुतिले दर्शकहरुलाई मनोरञ्जन प्रदान गरिरहेको छन्। कृषि अन्तरगत विभिन्न स्थानीय उत्पादनहरु प्रबर्द्धन गरिएको छ भने खुदो , मह , कुराउनी तथा अर्गानिक उत्पादनहरुमा उपभोक्ताहरुको रोजाइमा परेका छन् । यसैगरी औद्योगिक उत्पादन अन्तरगत रहेका उद्योगहरुले समेत उपभोक्ताहरुलाई आकर्षित गर्न विभिन्न स्किमहरु समेत प्रदान गरेका छन् । यही पौष ३ गतेदेखि शुरु भएको उक्त मेला १८ गतेसम्म संचालन हुने छ ।
उक्त मेलामा टिकटको शुल्क ७० राखिएको छ भने विद्यार्थीहरुको लागि रु ५० र जेष्ठ नागरिकहरुको लागि निशुल्क दिकटको व्यवस्था गरिएको छ । उक्त टिकटको शुल्क मध्य केही रकम गौशालाको लागि छुट्टयाइएको अध्यक्ष हरि प्रसाद अर्यालले बताउनु भयो । अध्यक्ष अर्यालले बुटवल मेलाले स्थानीय तथा राष्ट्रिय अर्थतन्त्रमा समेत ठुलो योगदान पुराउने विश्वास व्यक्त गर्नु भयो ।
