बुटवल ।  लुम्बिनी विशिष्टिकृत सहकारी संस्था र रुपन्देही डेरी व्यवसायी समिति विच अन्तरक्रिया कार्यक्रम सप्पन्न भएको छ ।
दुग्ध पदार्थहरुको उत्पादन गर्ने उदेश्यले लुम्बिनी प्रदेशमा नै पहिलो पटक स्थापना भएको सहकारी संस्थाले दुग्ध पदार्थहरुको उत्पादन गर्न शुरुआत गरेको छ ।
आज आयोजित अन्तरक्रिया कार्यक्रममा लुम्बिनी विशिष्टिकृत सहकारी संघ लिमिटेडकी कार्यबाहक अध्यक्ष ज्ञानु पौडेलले ठुलो चुनौतीको विच संस्थाले दुग्ध पदार्थहरुको उत्पादन गर्न सफल भएको बताउनु भयो ।

कोभिड लगाएत आवश्यक पुजीको अभावले केही ढिलाइ भएको स्वीकार गर्दै अध्यक्ष पौडेलले यो संस्थाले उत्पादन शुरुआत गरेपछि लुम्बिनी प्रदेशका किसानहरुले उत्पादन गरेको दुधको बजार अभाव हुन नदिने बताउनु भयो ।
यसको उत्पादन सँगसँगै बजार व्यवस्थापन समेत चुनौतीपूर्ण रहेको बताउदै रुपन्देही डेरी व्यवसायी समितिबाट सहयोगको अपेक्षा व्यक्त गर्नु भयो । 
यसैगरी रुपन्देही डेरी व्यवसायी समितिका अध्यक्ष रामकृष्ण शर्माले विशिष्टिकृत सहकारी सबैको साझा संस्था भएको हुनाले रुपन्देही डेरी व्यवसायी समिति सहकार्य गर्न तयार रहेको बताउनु भयो ।
यो संस्था लुम्बिनी प्रदेशका किसानहरु संग समेत जोडिएको तथा प्रदेशकै गौरवको आयोजना भएको हुनाले यसलाई जोगाउनु सबैको दायित्व  भएको बताउनु भयो । संस्थाले गुणस्तरीय बस्तु उत्पादन गरेमा  बजार तथा उपभोक्ताहरु सँग पुराउने जिम्मेवारी    रुपन्देही डेरी व्यवसायी समितिले पुरा गर्न तयार रहेको बताउनु भयो । उक्त अन्तरक्रिया कार्यक्रममा विशिष्टिकृत सहकारीका सचिव गोपाल पौडेल , कोषाध्यक्ष खेम प्रसाद गौतम , संस्थाका GM अर्जुन अधिकारी , रुपन्देही डेरी व्यवसायी समितिका सल्लाहकार देवीलाल भट्टराई , उपाध्यक्ष बिष्णु पाण्डे , सचिव जीवलाल न्यौपाने , सदस्य  गोबिन्द गुरुङ , लेखा संयोजक कृष्ण चापागाईं  लगाएतले आ आफ्नो विचार तथा सल्लाह सुझाव व्यक्त गर्नु भएको थियोे ।

लुम्बिनी प्रदेश भित्रका १४२  सहकारीहरु मिलेर बनेको उक्त सहकारीको सेयर  पुजी झण्डै दस करोड  रहेको छ ।
तत्काल पाउडर पलान्ट स्थापना गर्ने लक्ष्य लिएको सहकारीले कार्तिक २५ गतेबाट मात्र दुग्ध पदार्थको उत्पादन शुरुआत गरेको हो भने अहिले दैनिक झण्डै तीन हजार लिटर दुध खरिद गरिरहेको छ ।