बुटवल । रुपन्देही डेरी व्यवसायी समितिले लुम्बिनी प्रदेशका मुख्यमन्त्री चेतनारायण आचार्य सँग भेटघाट गरेको छ ।
समितिका अध्यक्ष रामकृष्ण शर्माको नेतृत्व गएको डेरी व्यवसायी समितिको टोलीले उक्त भेटघाट गरेको हो ।
समिति अध्यक्ष रामकृष्ण शर्माका अनुसार पुर्ब निर्धारित कार्यक्रम अन्तरगत भेटघाट गरिएको हो ।
हामीले पहिला नै स्वागत गर्ने कार्यक्रम तय गरेका थियौं , विभिन्न कारणले भेटघाट भएको थिएन आज भेटघाट सहित दुग्ध क्षेत्रमा देखिएका समस्याहरुबारे मुख्यमन्त्री आचार्यलाई ध्यानाकर्षण गराएको तथा डेरी व्यवसायीहरुलाई दुध चेकजाँच गर्ने उपकरण र तालिलहरु माग गरिएको अध्यक्ष शर्माले बताए ।
खुला सिमानाका कारणले सरकारले आयात बन्द गरेका दुग्ध पदार्थहरु रुपन्देही जिल्लामा बिक्रीवितरण भइरहेको तथा किसानले समयमै दुधको भुक्तानी नपाएको विषयमा समेत गम्भीर ढंगले छलफल भएको अध्यक्ष शर्माले बताए ।
अध्यक्ष शर्माका अनुसार बुटवलमा रहेका सबै व्यवसायीहरुका साझा समस्या , सडकमा रहेका छाडा चौपायाहरु व्यवस्थापन लगाएतका कुराहरुमा प्रदेश सरकारको ध्यानाकर्षण गराइएको थियोे ।
उक्त भेटघाटमा व्यवसायीहरु तथा दुग्ध क्षेत्रका किसानहरुका समस्या समाधान गर्न प्रदेश सरकार तयार रहेको मुख्यमन्त्री आचार्यले बताउनु भएको थियो ।
आचार्य मुख्यमन्त्रीमा चयन भएपछि लुम्बिनी प्रदेशमा सबैले अनुभुति गर्नेगरि कामहरु अगाडि बढेको देखिएको छ ।
