गुल्मी । नेकपा गुल्मीले सुन्तलाको विरुवा गोडमेल सुरु गरेको छ । धुर्कोट गाउँपालिकाको नयाँगाउँमा रोपेको सुन्तला नेकपाका नेता कार्यकर्ताहरुले गोडमेल गरेका हुन् ।
पार्टीको केन्द्रीय उत्पादन नीति अनुसार गत असार ३१ गते नेकपाले गुल्मीको नयाँगाउँमा सुन्तला रोपण गरेको थियो ।
सुन्तलाका वरिपरी झारहरु आएकोले गोडमेल सुरु गरेको नेकपा जिल्ला सदस्य चन्द्र सीले बताए । उनले विरुवाहरु फस्टिदै गएको बताए ।
युवा संगठन नेपालका सदस्य लक्ष्मण सीले पार्टीले सामूहिक उत्पादन अन्तर्गत गरेको सुन्तला रोपणले गाउँमा नयाँ उत्साह थपेको बताए । सुन्तला रोपणलाई अर्को बर्ष अझ थप विस्तार गरिने धुर्कोट गाउँ कमिटीका सदस्य इन्द्र सीले बताए ।
