बुटवल । अखिल नेपाल जनसांस्कृतिक महासंघ रुपन्देहीले नियमित मासिक श्रृखला सिर्जना चौतारीको चौथो श्रृंखला कार्यक्रम बुटवलमा सम्पन्न गरेको छ ।
कार्यक्रममा १३ जना स्रष्टाहरुले गीत कविता गजल लगायतका सिर्जनाहरु प्रस्तुत गरेका थिए ।
कार्यक्रममा बोल्दै नेकपाका जिल्ला नेता तथा ३ नम्बर कमाण्ड इन्चार्ज नविनले सिर्जना चौतारी कार्यक्रम सिक्ने,सिकाउने,कला क्षमताको विकाश गर्ने थलो रहेको बताउँदै लेखक साहित्यकार सांस्कृतिक कर्मीहरुले कला गीत संगीत र बौद्धिक क्षेत्रबाट सांस्कृतिक रुपान्तरण गर्नुपर्ने बताए ।
उनले कलाकार सांस्कृतिक कर्मीहरुले गाउने गीत र गरीने सिर्जनामा सत्य घटना र समाज रुपान्तरणका पक्षमा हुनुपर्ने बताउँदै दलाल पुँजीवादी संस्कृति र उपभोक्तावादी संस्कृतिकोविरुद्व एकाकार भएर सिर्जना चौतारी मार्फत अगाडि बढ्नुपर्ने यसलाई फराकिलो बनाउँदै निरन्तरता दिनुपर्ने बताए ।
कार्यक्रममा रेश्मी बुढा मगर,प्रविण न्यौपाने,पदम पराजुली,प्रतिक्षा पौडेल,मनोज न्यौपाने,अनुष्का पोखरेल,सीता मगर,नयन अर्याल,बिहानी मगर प्रमिसा क्षेत्री, पुर्णिमा मगर, गंगा परियार,पुजा मगर लगायतले आफ्नो सिर्जना प्रस्तुत गरेका थिए ।
कार्यक्रममा नेकपाका जिल्ला सेक्रेटरी विश्वास, बुटवल नगर ईन्चार्ज बिरेन्द्र बि.क,बुटवल नगर सेक्रेटरी रोमियो,जिल्ला सदस्य खगेन्द्र जिल्ला सदस्य राजु रसाइली लगायतको उपस्थिति रहेको थियो ।
कार्यक्रम अखि नेपाल जनसांस्कृतिक महासंघ रुपन्देहीका अध्यक्ष बिहानी मगरको अध्यक्षता र संग्रामी सांस्कृतिक परिवारका कलाकार प्रमिसा क्षेत्रीको सञ्चालनमा भएको थियो ।
सिर्जना चौतारीको नियमित पाँचौं श्रृंखला साउन ७ गते हुने बिहानी मगरले बताइन् ।
